2007-08-09 - Амбий амбиц ихтэй явна.

 Өөрсдийн *дефиктээрээ* хоолоо олж иддэг хэдэн нөхдvvд гэж дооёолуулдаг хэдий ч, хvмvvст  бага ч атугай баяр хөөр инээд бэлэглэж байдаг хошин урлагийн жvжигчдийн буян их.

Сvvлийн vед манай хошин урлагийнхан дунд салж нийлэх хөдөлгөөн ихэссэн.

Учир нь адилхан нэгэн vе болж гарч ирсэн залуус хошин урлагийн хамтлаг болж нэлээдгvй хугацаанд ажиллаж чамгvй амжилтанд хvрч *од* болцгоосон хэдий ч захирал болсон нэг нь л хожоод, овойж оцойж харагдаад, даам гараад, нөгөө хэд нь шинэ залуу жvжигчидтэйгээ нэг зиндаад байгаад байж таарахгvй болоод тэр гэнэ. Иймээс л мөр мөрөө хөөж нэг нэг шинэ хамтлаг байгуулж захирал нь болцгоохыг зорих болж. Гэхдээ жvжигчин болгон хэдэн жил болоод л тус тусдаа хамтлаг байгуулж захирал болоод байвал ч… Ээ дээ мэдэхгvй дээ…

Ингээд л хошин урлагийн нэгэн vе болж гарч ирсэн гал хамууд одоо бол *хал*-ууд өөр хоорондоо өвөр тvрийдээ жийлцэх болж өрх тусгаарлах болсон.

Yний нэг жишгээр жvжигчин Амбий олон жил гар нийлсэн гал хамууд Бооёо, Хvрлээ хоёроосоо салж сvvлийн vед хvчтэй гарч ирсэн залуу хамтлаг болох *Захиалгат инээд* хамтлагийнхантай нэгдэж нэрээ урд нь зvvж аваад ахлагч болж дэр нэгтгэсэн гэж байгаа.

Тэд нэлээд хэдэн тоглолт тавьж гар нийлж багагvй манаргасан. Гэхдээ л мань хvн айлын гэрт орж ирсэн зочин болохоор нэг л болж өгөхгvй байсан бололтой…

Гэтэл саяханаас мань Амбийгийн амбиц нь дахин хөдөлж Амбий @ Захиалгат инээд хамтлагаасаа гарч, Хvрлээгээ Бооёогоос сэм урвуулан авч хамтран цоо шинэ хамтлаг байгуулан хошин урлагийн тогоондоо тэсрэлт хийхээр ханцуй шамлан оржээ.  Шинэ хамтлагийн нэр одоогоор тодорхойгvй байгаа боловч Амбий@Хvрлээ байх магадлал өндөр байгаа гэнэ.

Ийнхvv хоёрдохоосоо салж төрхөмдөө буцах болсон шалтгаан нь саяхан *Өнгөт инээд* хамтлагаасаа өрх тусгаарлаад чамгvй амжилттай яваа нэгэн тогооны андууд болох Заанаа, Магнай, Мөөгий гурваас санаа авч дан шинэковуудаас хуучин бууны хугархайнуудаа нийлvvлж ажиллавал дээр юм байна туршлага судалсаных гэнэ.

Ийнхvv Амби хvv амбиц ихтэй л яваа сурагтай. Амбиц нь хаа хvрэхийг та бид таашгvй ч цаг хугацаа харуулах биз ээ. Ямар сайндаа л нөхдvvд нь Амби биш Амбиц гэж шинэ нэрээр нь дууддаг болохов дээ. Амжилт л хvсье дээ! Амбиц ахдаа.

/Б.М/