Амьдрал минь

Халуун зуны салхинд жиндэхийн учир хайрыг би хайдаг
Хөмөрсөн тогоо цуурах шиг од харвахын тоолонд хvслээ би шившдэг
Хөндийд татсан солонго ихэмсэгхэн замхрахад чамайгаа би vгvйлдэг
Харласан аргамжаа тойрч зvvд эргэлдэхэд он цагийг би дурсдаг
Хөлд тээгэлсэн чулуунд бvдрэхэд сvvдэр минь намайг тvшдэг
Хагссан зvрхний гуниг самрахад нулимс минь намайг намайг аргаддаг
Уянгагvй хуур харцаараа хөглөхөд итгэл минь намайг зоригжуулдаг
Унаган багын дурсамж даллахад шvлэг минь намайг хөтөлдөг
Ангасан сэтгэлийн цангааг тайлахгvй ч бороонд би шалба норон зугаалдаг
Алдарсан итгэлийн туяаг таягдахгvй ч болзоонд би жавар энхрийлж зогсдог
Аньсганд торсон нулимс баяр гунигийнх ялгаагvй шорвог байдгийн адил
Амраг төрсөн чамтайгаа зовсон жаргасан ч хамаагvй амьдрахыг ганцхан хvсдэг
Алдсан бvхэн харуусал дагуулдагч өөрийгөө би шийтгэж өнгөрснийг уучилдаг
Агуу ихийн мөрөөдөл тасардаггvй ч өнөөдрийг би шагнаж шvлгээ бичдэг
Хөлсөө дуслуулсан тэмцэл дvvрэн, эзэвэргэн тэр хvнд өдрvvд
Хожим дурсахад жаргалд ташуурсан сохор vеэс алтан мөчөөр дvvрэн байдаг
Yе vехэн би дурлалдаа шатаад vнс болон салхинд тэнvvчилж чамайгаа хайдаг
Yнсэлт чинь өөр нэгний уруул тэмтрэхэд би хэдийн зvvд шиг замхарсан байдаг
Yvрээр хайрын бурхан надад чи байгаа цагт тэр байж л таараа гэж шивнэдэг
Yлгэр vргэлж дардан байвал жаргал гэдэг амтгvй гэж ирээдvйгээр шилбvvрддэг
Амьдрал минь эрэл минь хvлээлт минь
Алган дээр буух цасан ширхэг минь
Итгэл минь сэтгэл минь сэрэл минь
Ирж яваа гэгээн учрал минь... амьдрал минь

БОЛОД.М