2007-04-17 - Улс төрийн ПИ АР-аа гэж…

Улс төрийн пи ар манайд хvчтэй явагдах болж. Одоо бол улам ч хvчээ аван нэгийгээ vзэж нэхий дээлээ уралцах догшин шинж харагдаж байна. Пи ар-гvй бол нам, эвсэл, засгийн газар байтугай хувь хvн ч хол явахаа больсон цаг гэдгийг хэн хvнгvй мэддэг болж.

Хар цагаан пи ар-ын *суман мөндөр* олон нийтийн санал бодлыг эзэмдэж, толгойг эргvvлнэ.

Сонгуулийн *нохойн дуу* ойртож нам эвсэлvvд хөдөлгөөнд орж марафоноо эхэлж, улс төр хөзрөө шагшиж, ээлжит хатуу тоглоомондоо зэхнэ. Vvнтэй зэрэгцээд пи ар-чид хийгээд менежерvvд, хэвлэл мэдээллийнхэн хийгээд сэтгvvлчид, соёл урлаг хийгээд спортын одод хvртэл хуваагдаж их давлагаанд тvрлэг нэмэх ажилд ханцуй шамлана.

Хэн нь хэн бэ гэдгээ vзэх хатуу тулаан гэж хэлж болох сонгуулийн vр дvнг урдчилан таахад бэрх. Ард тvмэн сонгогчдын сэтгэл зvрх тогтворгvй яаж ч хэзээ ч хаашаа ч эргэж мэдэх барьцгvй гэнэн хонгорууд тул санаа амарч vл болно. Иймд цаг хором тутамд тэдэнд *би бол чиний сонголт, чиний сонголт бол би* гэсэн мессежийг өгч байх нь чухал пи ар.

 Сонгууль дөхөөд ирэх vед л гэнэт ухаа орж *сонгогч минь ард тvмэн минь* гэж уулга алддаг байсан vе гудамжинд лааз өшиглөгч эксvvдтэй хамт нэгэнтээ элж, өдгөө бол өдөр бvр цаг хором бvр л дараагийн сонгуулийн бэлтгэл компанит ажлын нэг хэсэг болдог болсон гэхэд хилсдvvлэг болохгvй. Энэ ч утгаараа одоогийн улс төрийн хvчнvvдийн байр суурь, Засгийн Газар,  УИХ-ын чуулганы  тогтоол шийдвэр vг vсэг бvхэнтэй нягт холбоотой байж тvvнд нөлөөлдөг болсон нь илт ажиглагддаг.

Улс төрийн пи ар-ыг харж байхад долоон нvvдлийн цаадахыг харж, их л болгоомжтой нvvдэл хийж, хэн нэгнийхээ өчvvхэн алдаа эндлийг андахгvй дайрч унагах, эсвэл баримт фактын хар дэвтэр хөтөлж тохиромжтой цагийг хvлээн цохих, хооронд нь яс хаяж, дотроос нь хагалан бутаргах, амлалт гэрээ хэлцэл нэрээр эргvvлэх, албан тушаал эрх ашгаар нь урхидаж урвуулах зэрэг нарийн аргад нэн гаршиж байгаа нь харагдана. Энэ бvхний vр дvнд эвсэл, эв нэгдэл, бvлэг, фракц, жигvvр,шинэчлэл  гэх мэтээс гадна бvр нам, холбоо, хөдөлгөөн хvртэл vvсэх хөгжих мөхөх нигуур vvсэх аж.

Зарим нэг эмээ өвөө, төрийн албан хаагч нарыг эс тооцвол ард тvмэн тэр дундаа залуучууд нь нэг их нам болж хөөрцөглөж гvйгээд талцаж тэмцэлдээд байдаггvй ардчилсан чөлөөт манай орны хувьд сонин хэвлэл, телевиз, судалгааны байгууллагууд нь харин ил далд намын харьяалалд орж илт vйлчилдэг нь гайхалтай бас харамсалтай, эмэгнэлтэй.

Энд л жинхэнэ нөгөө шударга бус монопол шинжтэй дан ганц талыг барьсан пи ар гэдэг зvйл хөвөрч олон нийтийн тархийг угааж, улс орны ирээдvйн судсыг атгана даа...  

*Дорой ард тvмэн сайн засаглал хvсээд нэмэргvй* гэдэгчлэн  гэнэн итгэмтгий, уярамтгай,  ирээдvйг бус өнөөдрөө хардаг, маргаашийн махнаас өнөөдрын өөхийг илvvд vздэг, улс төрийн талаарх тодорхой ойлголт мэдлэг хомс, тогтсон vзэл бодолгvй шахуу ард тvмний хайнга, харицлагагvй, сохор сонголт, шийдвэр, төрийн тогтворгvй цэгцгvй хариуцлагагvй алдаатай тогтолцоо, булхайтай, хувийн эрх ашигтай улс төрч, бvлэглэл олигархуудын vvслийг төрvvлнэ. Тэгээд л маргаашнаас нь толгойгоо шаан харамсаж халаглаж суух нь хөөрхий…

  Гадны улс төрчдийн замнал тvvхийг харахад vнэхээр биширмээр. Ялангуяа ерөнхийлөгч, сайдын алба хашиж явсан хvмvvсийнх нь намтарыг харахад эрх барих хугацаандаа алдаа оноотой ч заавал ч vгvй ядаж нэг гайхалтай мэргэн шийдвэр гаргаж чадсан, эсвэл хөгжлийн нэгэн шинэ шат ахиулсан, хvндрэл хямралыг гэтэлгэсэн, ирээдvйдээ агуу амжилтын замыг засаж нээж өгсөн, vсрэнгvй дэвшилд хvргэж, эдийн засгийн өсөлтийг авчирсан, их бvтээн байгуулалтыг эхэлсэн гэх мэт гавьяатай vйл хийсэн, авчирсан байх юм билээ. Энэ л улс төрч хvн болсоны хэрэг гавьяа vvрэг буйзаа. Гэтэл манайд өчvvхэн төдий магтан хэлчихмээр гайхам шагшчихмаар хvн байна уу? Та нэрлэх гээд оролдоод vзээрэй. Тэр тусмаа 90 оноос хойш шvv…

Энийг энд өгvvлсний учир гэвэл манай төрийн тvшээд улс төрчид өнөөдөр маргаашийг аргацаасан өнөөдрийн сэтгэл ханамжийг төрvvлэхvйц ард тvмнийхээ өнөөдрийн хэмжээнд тааруулсан, явцуу эрх ашиг бvхий Пи Ар-ыг голчлон хийх нь их харагддаг. Өөрөөр хэлбэл ард тvмэн эх орноо гэсэн, ирээдvйг харсан оновчтой зоригтой улс төрийн хvчтэй vйл ажиллагаа явуулахаас илvvтэй, сайрхах юмгvй ч муулах юмгvй байх тал дээр анхаарч албан тушаал эрх ашгаа хамгаалж vлдэхий тулд хөнгөн хуурамч пи ар хийх тал дээрээ илvv гаршиж ажиллаж байх мэт санагддаг. 

Шагнал гардуулах, баяр ёслол элдэв ой арга хэмжээ тэмдэглэх, тахилга тайлга хийх, урлаг спортын арга хэмжээ зохиох, тvvх шастир сэргээх, залах гэх мэт ард нийтэд төдий л их vр өгөөжгvй ч тэрхэн vедээ тэдний сэтгэл зvйг сэргээх өнгөц засах худлаа хөгжөөх замаар юм хийсэн хvн болж харагдаж, уламжлалт сэтгэлгээ өнөөдрийн нийгэм соёл дээр нь пи хийх  аргыг илvvд vзэх болжээ.

Энэхvv хөрөнгө мөнгө их шаарддаг хийсвэр ач холбогдол төдий л өндөр биш зvйлд цаг зав мэргэн оюунаа чилээж пи ар-дахаас илvvтэй ирээдvйд чухал нийгэм эдийн засгийн хөгжилд vсрэнгvй дэвшил авчирах, ядуурлаас гарах, улсаа хөгжvvлэх шилдэг бодлого хөтөлбөр боловсруулж хэрэгжvvлэх тал дээр манай танай нам, ирэх сонгуулийн зорилго, хувийн бизнесийн эрх ашиг, пи араа тvр орхиж тогтож ажиллавал мөн сайхан аа гэж бодогдоно.

Угтаа улс төрчийн ажил  гэдэг өнөөдөрийг харж, ард олны өнөөдрийн өлссөн ходоодыг борлуулах тал дээр анхаарч ажиллах бус, маргаашийг харж ирээдvйн хөгжил дэвшлийг төлөвлөж ажиллах өөрөөр хэлбэл өнөөдөрт уягдах бус ирээдvйд хөтлөгдөж ард олноосоо хэдэн алхамын урд явж урд сэтгэж манлайлан дагуулах нь чухал мэт.

Yvнд арай энэ Пи Ар золиг саад болоод байгаа юм биш биз!!!

 Гэхдээ өнөөдрийн пи ар өнөөдрийн сайн нэр эрх ашиг чухал уу, маргаашийн сайн нэр vеийн vед vнэлэгдэн Монгол эрх орондоо сайн сайхан хөгжил дэвшлийг авчирах vйлс, суу алдар, ажил vйлс тань чухал уу гэдэг хувь хvний ухааны хэрэг биз.

 Хувь хvний пи ар, нам бvлгийн пи ар, Засгийн Газрын пи ар, УИХ-ын пи ар, Монгол улсын пи ар эцсийн эцэст нь явсаар нэг л цэг дээр огтлолцох буйзаа...

/Болод.М/