2007-04-18 - Хvvхэд бvр 10.000 төгрөг хураалга!

Төр засаг хvvхэд бvрт 10.000 төгрөг олгох гэж бөөн юм болж байж, хуруу хумсаа хугалах шахам байж нэг юм хэдэн төгрөг олгож эхлээд байгаа билээ.

Гэтэл хvvхдvvдээс тэрхvv мөнгийг нь дээрэмдэгчид цөөнгvй байна.

Архичин аав, vрэлгэн ээж, тоглоомчин ах гээд л. Тэр байтугай цэцэрлэг сургууль нь хvртэл тэднээс мөнгө нэхэж амар заяаг нь vзэхгvй.

Ангийн нийллэг, хуримтлал, сургууль анги засвар, vсэглэлийн баяр, хонхны баяр, номын баяр, багшдаа бэлэг, цагийн багшийн мөнгө, давтлагын мөнгө, дvрэмт хувцасны мөнгө, биеийн тамирын хувцасны мөнгө, номны мөнгө, хоолны мөнгө гэхчилэн хураамж татаас захаас аваад мундахгvй. Урт дараалал цуварна.

Ардын багш *Хvvхэд бvр 10.000 төгрөг хураалга! Маргааш өглөө хичээлдээ ирэхдээ авчирахгvй бол дэмий шvv...* ингэж зарилаг тушаал буулгахад л бvх юм гvйцээ. Хөөрхий хvvхэд бөлтөгнөж эцэг эх нь тэдвэнэ бухимдана. Дээрээс нь элдэв ном, тоглолтын билет шахна. Энэ мэт ундарна.

Саяхан нэгэн эмэгтэй зурагтаа бариад ломдарданд 40.000 төгрөгөөр авчихаач гээд гуйж байхтай таарлаа. Хөөрхий эх учраа тайлбарлан ярьж байх юм. Тэрээр 4 хvvхэдтэй бөгөөд бvгд нийслэлийн арван жилийн 2-р сургуульд сурдаг гэнэ. Гэтэл сургууль нь интернэтийн сvлжээ тавиулах болсон гэсэн шалтгаанаар сурагч бvрээсээ 10.000 төгрөг татаж байгаа аж. Ингээд л хичээлээ тараад ирэхдээ дөрвөн хvvхэд нь арав арван мянган төгрөг авчирах даалгавартай ирж хөөрхий эх сандрахдаа ийнхvv тэвдэж гэрийнхээ ганц vнэ хvрч болох эд болох зурагтаа тэврээд ломбардан дээр ирэн учирлан зогсоо нь энэ юмсанж...

Ингээд vгэнд дурлаж vнэн мөнийг тодруулахыг зорьж явдаг сэтгvvлч хvний vvргээрээ дээрх учрыг лавлахаар 2-р сургуулийг зорив.

Yнэхээр хvvхэд бvрээс 10.000 төгрөг татаж байгаа гэнээ. Учир нь БСШУЯ-наас ЕБС-ыг бvгдийг нь интернэтэд холбож нэгдсэн мэдээллийн сантай болох шийд гаргаж энэхvv төсөв зардалаа төр засгаас мөнгө аваад баяжаад байгаа хvvхэд бvрээсээ татаж шийдсvгэй гэсэн ажээ.

Тушаал авсан сургуулиуд хvvхэд бvрээсээ 10.000 төгрөг зарим нь бvр 15.000 төгрөг ч татаж байгаа сурагтай.

3000 орчим сурагчтай сургууль 10.000 төгрөг татахаар 30.000.000 /30 сая/ төгрөг болж байна. Их мөнгө шvv! Хэдээр нь интернэт тавьж хэдийг нь хэн нэгэн дундаас нь гувчуулж халааслахыг бид таашгvй.

Хамгийн хачирхалтай тус 2-р сургууль бэлэн мөнгө өгмөөргvй байгаа бол энэ данс руу хий гээд нэгэн данс өгч байна. Шалгаад vзсэн чинь өнөөх данс нь байгууллагын данс биш хувь хvний данс байх юм.

Ингээд дахиад л энэ тухай тус сургуулийн дунд анги хариуцсан хичээлийн эрхлэгчээс утас цохиж лавлавал *Харин тиймээ манай өгсөн данс харин хувь хvний данс байна гээд хэл ам гараад байгаа тэгэхээр та хичээл эхлэтэл тvр мөнгөө өгөлгvй хvлээж бай удахгvй энэ асуудлыг бид шийднэ* гэж хариулав.

Нэг иймэрхvv л дvр зураг манай нийгэмд энгийн vзэгдэл болжээ. Манай иргэдийн амьдрал ахуй ямар байгаа билээ. Ямар сайндаа л төр засаг хvvхэд бvрт хэдэн төгрөг, шинэ төрсөн хvvхдэд хэдэн төгрөг, гэр бvл бологсдод хэдэн төгрөг гэхчилэн өгч хамаг төсвөө барж суухав дээ. Ядарсан ард иргэдээ л харж vзэж байгаа царай нь энэ шvv дээ.

Ингэж байхад шат шатандаа татаас хураамж авилгалаар ард иргэдийг дарсаар тэднийг дээрэмдсээр...

Энд холбогдох хvмvvс нь анхаарал хандуулаасай!

/Болод.М/