2007-04-18 - Дууны шvлгийн мастер, сэтгvvлч, зохиолч СТА Д.Ган-Очир…

Цогц судалгаа агентлагийн Урлаг-2006 бvх нийтийн санал асуулгын дууны шvлгийн мастер шилдэг яруу найрагч номинацын эзэн яруу найрагч зохиолч сэтгvvлч Даваасvрэнгийн Ган-Очирт өчигдөр Монгол Улсын Соёлын Тэргvvний Ажилчин цол тэмдэг олгожээ.

Энэхvv баярт vйл явдлыг тохиолдуулан тvvний анд нөхөд vзэг нэгт уран бvтээлчид сэтгvvлчид, зохиолч яруу найрагчид, урлаг соёлынхон тэр дундаа рок попын дуучид баяр хvргэж талархал илэрхийллээ.

Яруу найрагч сэтгvvлч Д.Ган-Очирийг өсөж төрсөн Дорнод аймагтаа очиж тайлан тоглолтоо зохион байгуулж нутаг орныхондоо зочлоод урлаг соёлын десант буулгаад ирсэн яг энэ vетэй нь давхцуулан энэхvv хvндтэй цолыг олгосон нь ёстой л нөгөө нvдээ олсон хэрэг болов. Тvvний зохиосон дууг дуулсан олон дуучид өдгөө СТА, МУГЖ хvртэл болцгоосон. Тэгэхээр Д.Ган-Очир өөрөө хичнээн хvнийг алдарын тавцанд хvргэснийг энд дурдахгvй байхын аргагvй…

Оюутан байхдаа л Болор цомд орж байр эзэлж шуугиан тарьж анх олны танил болж байсан тvvнийг *Сэтгvvл зvй, Утга зохиол* гэсэн хос хvлэгтэй ховорхон билэг авьяастай хvн гэж найзууд нь vнэлдэг юм билээ.

Учир нь тэрээр монголын утга зохиолд ч тэр, сэтгvvл зvйд ч тэр нэр төртэй зvтгэж өөрийн гэсэн тодорхой байр сууриа эзэлж, хийсэн бvтээсэн зvйлтэй, дуудах нэр дуурсах алдартай болж чадсанд байгаа юм. Тvvний тухай ийм л сэтгэлийн халуун vгс тvvний уран бvтээлийн тайлан тоглолтын vеэр ч шагнал гардуулах ёслолын арга хэмжээний vеэр ч урсаж байсан.

Камертон, Номин талст… хамтлаг, дуучин Сарантуяа, Ариунаа… гээд монголын рок попынхоны аль олигтой хит дуунуудын vгийг зохиож өгсөн тvvний урын сан vнэхээр баялаг. Тийм ч болохоор нь тvvнд *дууны vгийн мастер* хэмээх нэр цолыг ард тvмэн хайрлажээ.

Тэрээр шvлэг яруу найраг бичихээсээ гадна өдгөө жvжгийн зохиол бичиж, vргэлжилсэн vгийн зохиол туурвиж тун ч завгvй байгаа аж. Мөн сэтгvvл зvйн тvvхийн гурван дэвтэр ном бичиж байгаа гэсэн. Бас дээр нь Монголчууд сониноо эрхлэн гаргана. Завгvй байх тусмаа хvн их ажил амжуулдаг юм аа гэсэн ганц vгээр тэр энэ бvхнээ илэрхийлж байсан.

Тvvний тухай тvvний уран бvтээлийн тухай яриад байвал барагадахгvй. Тийм болохоор энэхvv сэтгэлийн өргөл хvvрнэлээ ингээд тvр төгсгөе.

Ухааны vрийг vгийн ураар илэрхийлж ард тvмэндээ хvртээж байдаг энэ эгэл атлаа эгэлгvй хvмvvн зохиолч яруу найрагч сэтгvvлч Д.Ган-Очир танд халуун баярыг хvргэе!

Yг тань цэцэн vзэг тань хурц байг!