xүн яагаад ч юм xаана явсан газараа өөрийнxөө гаргаж байгаа үйлдлээрээ өөрийгөө бусдад xэн болоx, ямар xүн бэ?гэдэгээ илэрxийлж байдаг үүгээрээ бид биe биeнээ сонгож тоxирно гэж бодсонтойгоо үeрxэж найзалдаг тиймээс ямар ч үйлдэл xийсэн юу ч ярьж байсан энэ бүгдээ xүн гэдэг амьтан заавал xянаж байx ёстой болов уу?яагаад би ингэж бодож бна вэ?гэвэл xүн болгон үйлдэлээ үг яриагаа xянаxгүйгээс болж дэлxий тэр чигээрээ эмx замбараагүй үг xэллэгтээ болж xүмүүс би биeнийгээ гомдооx үгсийг санамсаргүйгээсээ болж xэлээд үүнээс үүсэx xэрүүл маргаан ...

-Бид хоёр өдөр шөнөгүй, борив бохис хийлгүй ажиллаад л байх. Гэтэл идэж уух, өмсөх зүйх дээрдэхгүй. Харин энэ цагаан эзэн зүгээр л суух мөртөө тарган цатгалан, аз жаргалтай. Энэ ер нь ямар учиртай, юу болоод тэр вэ.

Хоёр боол хоорондоо ярилцаад учрыг нь олсонгүй. Тэгээд нэгийг эзнээс очоод асуугаад ир гэж гэнэ.

Нөгөөх нь бэргэж бэргэж, очоод эзнээсээ асууж байна.

-Бид ажиллаад ажиллаад аз жаргалгүй, та зүгээр суугаад аз жаргалтай байдгын учир юу вэ. Үүнийг тайлбарлаад өгөөч.

Эзэн нь хэсэг харж зогссоноо, "интеллект" гэж нэг юм байдаг юм аа. За байз чамд яаж тайлбарлая даа гэснээ. Хананы н...

Мэдэхгүйгээс бүү ай, харин хуурамч мэдлэгээс айж бай. Хорвоо дээрх муу муухай бүхэн түүнээс үүдэлтэй байх нь олон.

 

Монголын Либертари Сан, Нээлттэй Академиас хамтран "Либертари зуны сургалт"-ыг оюутан залуусын дунд гурав дахь жилдээ зохион байгуулж байна.

Либертари зуны сургалтаар та хувь хүнийг эрхэмлэх үзэл, хувийн өмч, зах зээл, ардчилал, эрх зүйт ёс, хязгаарлагдмал засаг гэх зэрэг чөлөөт нийгмийн үндсэн зарчимуудтай танилцаж, эрх чөлөөнд суралцсан таван өдрийг Либертари үзэл санаатай хамт өнгөрүүлэх болно.

Энэ удаагийн сургалт 2007 оны 7 дугаар сарын 18-наас 22-ны өдрүүдэд "Дуган ха...

Цэцгэн хээтэй алчуураар гангарч л явсан юм уу

Цэвэр хонгор аашаараа гайхуулж л явсан юм уу

Цэврүү балчир насны гэнэн хайр минь байсийм уу

Цэрэг  миний сэтгэлд гэрэлтэх наран байсийм уу

      Аялах дууны бадганд чамайгаа багтааж

      Айсуу цагийн салхинд дуулж л явья даа

      Аясхан бодлын харгуйгаас чамайгаа хайж

      Алсын цэнхэр уулсыг туулж л явья даа.

...

 

гэсэн кодыг загварын кодны дунд оруулж өгөх хэрэгтэй.
Хамгийн тохиромжтой нь:  ...  ... кодны хоорондох кодон дундаас Сэтгэгдэл бичих гэсэн кодыг олоод араас нь залгаж оруулах юм.

Жишээ нь:

....
Сэтгэгдэл бичих  

...

гэсэн байдлаар оруулбал тохиромжтой.

Аав охиноо "Jije" гээд дуудсан охин нь сонсон шинжгүй цааш харан юмаа хийсээр. Хэд хэд дуудлаа нэмэр алга.  Аав жаахан бухимдуу дөхөж очиод "чи сонсож байна уу, нэрээ мэддэг үү чи" хэмээн зандартал, охин нь жишим ч үгүй, өө би өөрийнхөө нэрийг "боль чи" гэдэг юм байх гэж бодсон өөр нэртэй байсан юм уу гэж гэнэ. Хэ хэ. Хүүхдүүд нээрээ алнаа. Аав, ээжийгээ хүртэл хийгээд авна шүү.

Монголчууд бид хүүхдүүдээ багаас нь боль, хүнээс асуу, зөвшөөрөл ав энэ тэр гээд хааж боож, хязгаарлаж өсгөчихөөд томорсон хойно нь бие дааж сурахгүй, өдий том болчихоод гээд загинах нь их байх юм. хүүдүүд маань ч гэс...

Эрх чөлөө гэдэг бол жинхэнэ утгаараа бид өөрсдийн үйл хэргээ өөрсдийн хүслээр гүйцэтгэхдээ бусдын үйл хэргийг үгүйсгэхгүй, түүнд нь саад тотгор учруулахгүй байх явдал мөн.

Жон Стюарт Миль

Эрх чөлөө гэж юу вэ?

Эрх чөлөө гэдэг бол хүн бүр бусдын оролцоогүйгээр хийх зүйлээ сонгох боломж мөн. Хүн бүр бусад хүний эрх чөлөөнд хутгалдахгүй л бол өөрийн дураар, хэрхэн амьдрахаа шийдэх эрхтэй. Чөлөөт байдал гэдэг бол эрх чөлөөг илэрхийлэх өөр нэг ойлголт юм. Эрх чөлөөг сахин хамгаалах нь засгийн газрын  үндсэн үүрэг юм.

Эрх чөлөө орчин үеийн нийгмийн ёс суртахууны нэг үнэт зүйл мөн гэдгийг одоо х...

Реклам сурталчилгаа байрлуулах.

Удахгүй төлбөртэй сурталчилгааны систем хийгдэх болно.

100% Монголын үндэсний үйлдвэрийн бүтээгдэхүүнийг үйлдвэрлэдэг, Монгол улсын хөгжилд хувь нэмэр оруулахуйц бизнес эрхэлдэг бол бидэнтэй холбоо бариарай! Хэрэв бидний шаардлагат нийцсэн тохиолдолд та манай сайтад ҮНЭГҮЙ сурталчилгаагаа байрлуулах боломжтой.

 Жич: Садар самуун, архи согтууруулах ундаа, тамхины сурталчилгааг тавихгүй. Мөн тураах эм тариа болон чанаргүй бараа, баталгаагүй сурталчилгаа зэргийг сайтын зүгээс бидний шалгуурт тэнцэхгүй тохиолдолд тавихгүй байх тохиолдол байж болохыг анхаарна уу.

...

  хувьсагч нь блогийн хуудсуудын нээгдэж буй тоог нийтэд нь харуулна.

Харин шинээр нэмэгдсэн хувьсагч нь блогийн бичлэгийн тоолуур болох юм. Энэ хувьсагчийг код тэмдэгтийн хооронд хэсэгт бичиж хэрэглэнэ.

хувьсагчийг оруулахад хамгийн тохиромжтой хэсэг бол гэсний доор юм.

Жишээ нь:

Та миний блогийн дахь зочин

2007 © Би

Харин   хувьсагчийг кодны өмнө оруулж өгөх нь тохиромжтой зүгээр.

Жишээ нь:

Энэ бичлэгийг нийт удаа уншсан.

гэсэн байдлаар оруулж өгнө.

...

Хайртай хүүдээ зориулж аав нь В.Левинитон Лариедийн "Эцэг нүглээ наминчилсан нь" гэх энэ зохиолыг уншиж өгмөөр санагдлаа. Гэхдээ үнэндээ хүү чамдаа уншихаас гадна өөртөө бодол тээж уншмаар санагдсан юм шүү. Учир нь би чамдаа яг л энэ эцэг шиг ширүүн дориун хандаж, юм л бол үглэж яншин, жаахан чамаагаа том хүн шиг санан, ихийг шаарддаг байжээ.

Эцэг нүглээ наминчилсан нь: ...сонс хүү минь! Хөлс чийхарсан духанд чинь зөөлөн сэвлэг чинь наалдан, гараа дэрлэн унтах энэ л мөчид би чамтайгаа ярихаар шийдэн өрөөнд чинь сэмхэн орж ирээд байна. Хэдхэн хормын өмнө өрөөндөө сонин уншиж сууснаа чинийхээ ...

Блог дээр байсан нийтлэлүүдээ эмхтгээд "Үгс... 2007" гэдэг ном гаргалаа. Номонд зориулж Чимид багш, Баабар хоёр сайхан үг бичиж өгөв. Хэсгээс нь дор сийрүүлбэл...

"Үгс" таны цагийг гарздаж, нойрыг хүргэхгүй. Харин Монголын засаг төрд "гахайн хавдар" туссаныг хэрхэн оношлож анагаах арга санааг яаж гаргасныг мэдэж, ардчилал, эрх чөлөө, улс төр, үндсэн хуулийн уг чанарыг ойлгоход тань тусалж, сонирхолтой улс төрд Таныг дуудах болно.

Др. Проф Б.Чимид

Орчин үеийн ихэнхи хүн мэдээлэлдээ дарагдан түүнээ эмхэлж цэгцэлж чаддаггүй учраас зөв дүгнэлт өөрөө гаргаж чаддаггүй. Тун цөөхөн хэсэг нь мэдээл...

Жорж Орвеллийн 1944 онд бичсэн "Амьтны ферм /Animal Farm/" гэх бэсрэг зохиолыг олж уншаад мал, амьтдын төрөлхийн зан чанар дээр үндэслэн бичсэн улс төрийн энэхүү егөөдөл бүхий номд: эрх чөлөөг зарлан тунхагласан тэмцэл нь жигшмээр муухай зүйл болон хувирах хүртлээ хоосон урианаас цаашгүй зүйл болж, амьтдын өөрсдийнхөө төлөө хийсэн тэмцлийн ялалтыг сэргэлэн гахайнууд хувийн зорилгодоо хэрхэн ашиглаж, нийгэм бүхэлдээ гахайнуудаар удирдуулсан харгис дэглэм болж байгаа; эрх тушаалд гарагсдын ааш авир хэрхэн өөрчлөгддөг; тэдгээрээс эрх ямбаа урвуулан ашиглахад иргэдийнх нь харанхуй бүдүүлэг байда...

Арван найман нас минь хорь хүрэхийн хүслэн байжээ.

Арван хэдтэй түүнийгээ хайрлах аядаж явжээ.

Цэргээс ирсэн залуус хүүхэн дагуулж гунхаад

Цэцэгсийн үнэртэй усыг ханхлуулж, хажуугаар өнгөрөхөд...

Саяхан даа, айраг ярихаар арааны нь шүлс ялгардаг 1 ах маань хөдөөнөөс ирвээ. Яахав дуртай юм болохоор айргаа ярьж байх юмаа. Би ч уул нь нэг их айрганд дурлаад байдаггүй л дээ. Гэхдээ л арааны шүлс гоожоод ирлээ шүү. Үгүй хөөе, байвал бараг булаацалдаад ч хамаагүй уумаар санагддаг байна шүү. Инээдтэй юм. Үгүй, тэгээд айргийг саваар нь авчирж ирээд тавьчихсан байвал ганц хулыг байтугай, ганц стаканыг ч давуулж чадахгүй байх шүү.  Ховрын юмаа гэж.

Бидний эцэг эх урьд баавгайтай чихэр гэж байж билээ. Мөнчиг сайхан амттай шүү гээд л их ярьдаг даа. Гэтэл тэр бүү хэл олон төрлийн чихэр, шоколад о...

Амжилт болгон зөвхөн эзнийхээ л бүтээл байдаг. Та бусдын бүтээсэн бүтээлүүдийг худалдан авч чадна, гэвч бусдын амжилтыг худалдан авч чадахгүй. Амжилтыг та өөрийнхөө хүч хөдөлмөрөөр бүтээхээс өөр аргагүй юм. Хөлс хүч зарцуулахгүйгээр босгосон нэг ч барилгыг та олж чадахгүй.

Та хэзээ ч нойргүй хонож байгаагүй бол амгалан унтах өдрийг олж үзэхгүй.

Хэрвээ та далайн ёроолд хэвтэх сувдан чулууг өөрийн болгохыг хүсч байгаа бол аюул тохиолдож болох гүнд шумбах эрсдлийг ч даван туулах хэрэгтэй юм.

Таны бичиж буй зүйлс маш энгийн байсан ч гэсэн Теодор Драйзерийн зохиолууд шиг мянга мянган хүн унши...

Утсанд маань гомдоллож, үг хаясан найзуудын минь мэссэж олон иржээ. Ажил ихтэй байгаад тэгсэн үү, анзаарсангүй. Нээрээ найзуудтайгаа элдэв сонин ярьж, цуг суугаагүй удсан байна шүү. Тэгээд ойрмогхон тэдэнтэйгээ уулзаж, энэ тэндэхийн сонин хачинг ярьж суутал нэг найз маань биднийг хөгжөөн хошигнолтойгоор нэгэн зүйл өгүүлсэн нь надад нэгийг бодогдуулав.

Найзын минь ярьсан хошигнол "бурханы сургаалийг монголд лам нар хэрхэн авч ирсэн тухай". Түүний энэ яриа эхэндээ хөгжилтэй байсан авч эцэстээ надад жаахан эмгэнэлтэй санагдаж, гуниг төрүүлсэн юм.

Бурхан ба лам

Найз ярьсан нь: «Анх энэ лам э...

Улс төрчдийг өөрчлөх гэснээс, тэднийг сонгож буй хүмүүсийг өөрчлөх нь илүү амар.

Фридрих А.Хаек

"Оюунлагууд" ажил хаяа юу?

Монголын амьдралын өнөөгийн дүр төрхийг жагсаал цуглаан, шаардлага тэмцэлгүйгээр төсөөлөх аргагүй болжээ. Хүн бүр л өөрийн ашиг сонирхол, байр суурь, үзэл бодлоо чухал хэмээн тулгаж, зүй бус зүйлийг ч үхэх, өлсөхөөрөө түрий барин хүчирхийлсэн өнгө төрхөөр шийдүүлэхийг эрмэлзэцгээж байна. "Эх орон", "ард түмэн", "нийгэм" гэх мэт хийсвэр ойлголтуудыг ямар ч их хэрэглэх юм. "Нийгмийн сайн сайхан", "эх орныхоо төлөө", "ард түмнээ бодъё" гэх гоё сайхан үгс хүн бүрт л таа...

Монголчууд бид болохгүй бүтэхгүй зүйлийг "Хаанаас хийсч ирсэн гай вэ" гэж асуудагсан. Одоо ч асуугаад байх юмгүй "гай түйтгэр" улс төрөөс л хийсч ирдэг болоо шив дээ.

Гай түйтгэр гэснээс улс төр өөрөө тийм ч гайтай зүйл уул нь биш л дээ. Эрх чөлөө, ардчилал, шударга ёс гэх мэт олон зүйл улс төрийн хүсэл эрмэлзлэлээр тэтгэгдэж байж л, хүн бүрт хамаатай хөгжил дэвшлийг бий болгодог. Харамсалтай нь эрх чөлөөнд тулгуурласан хөгжил, шударга амьдралын хэв маяг, ардчилсан үйл явцыг улс төрийн урт хугацааны бодлогоор дэмжихээсээ илүүтэйгүүр, ахар хугацаанд нэр горилон, баатарлах хэнээд автаж, гал ун...

"Хувь хүн эрх чөлөөгөө заяамал гэж ойлгож байхад дарангуйлагчид эрх чөлөөг өөрсдөө өгдөг гэж боддог. Хүмүүс өөр хоорондоо жамаараа зохицон амьдрахаа шударга гэж үздэг байхад дарангуй бодолтнууд шударга ёсыг бид тогтоодог гэж ярьдаг."

Фридрих А.Хаекийн энэ үгийг олон дахин уншиж, олон дахин бусадтай ярилцмаар санагддаг. Учир юу гэвэл маш олон хүн монголд бусдыг дарангуйлаад байх эрх мэдэлгүй ч яг л энд дурдах дарангуйлагч адил бодож, сэтгэн түүнийгээ бусдад тулгаж байдаг.

Бид өөрсдөө сонгон байгуулж, түүнд татвар төлж буй хувьдаа төрийг хардан бодож, хянах эрхтэй юу, ер нь иргэн хүн төрий...

Сайн уу, сонин юу байна даа. ажил сайн уу. Ажил гэснээс би ёстой ажилдаа дарагдаад явж байна. Дарагдах гэснээс саяхан даа, алт ухаж байсан хүмүүс шороонд дарагдчихсан байна ш дээ. Шороо гэснээс шороо босоод сүүлийн үед их шуурч байна аа. Шуурга шуурга, шуургаа гэж Энэ хүүхнүүд үү кинон дээр гардаг байхаа. Кино гэснээс сая нэг кино үзлээ гэж бодсон чинь кинон дундуур реклам үзчихэв үү, реклам дундуур кино үзчихэв үү, ерөөсөө ойлгосонгүй, Ойлгосонгүй гэснээс ойлгомжгүй зүйл их болчоод байнаа.

Хэдэн бацаанууд нь дуулаад ч байгаа юм шиг, загнаад ч байгаа юм шиг, Хэдэн гишүүд нь хэлэлцээд ч байга...

Зүүр түүрхэн бодлын үзүүрт бүдэг бадагхан санаа эргэлдэж, аниргүй тэгээд өнгөгүй бас үнэр ч үгүй зүүдний ертөнцөд зүрх сэтгэлээ эзэгнүүлэн би мөнөөх л эл хуль том танхимд, үй олон шургуулгын өмнө зогсож байна. Өнөөх л зүүд....

Анзааран харах агшинд тодрон гэрэлтэж, нэр хаягаа сэтгэлд шивнэх тэр л шургуулгануудаас бусад нь бодол санаад үл өртөн бүрэлзэх энэ газар надад "хий хоосон зайд хөвөх тоосны ширхэг агаар зүсэхийг сонсож болох мэт" аниргүй санагдана. 

Тийм ээ, аниргүй эзэгнэсэн зүүдэндээ би нам гүмхэн бодлоо уншин хэсэг зогслоо. Тэгээд шөнө болгон уншдаг тэр л шургуулгандаа дөхөн очиж, ...

Би бодол бодлын манан дунд төөрч амьдарнам

Би бодол бодлын манхан дунд бэдэрч амьдарнам

Би бодол бодлын эргүүлэгт живж амьдарнам

Би бодол бодлын харгуйгаар тэнүүчилж амьдарнам

Бодол чи намайг хааш нь чангааж

Бодол чамайг би хааш нь татна вэ?

Бодсон бодлыг минь хэн ч булааж авахгүй

Бохирдсон таваг шиг угаачихаж чадахгүй

Надад байгаа ганц эрх чөлөө

Надаас авахгүй ганц баялаг аа миний бодол

Өөртөө байгаагаас ихийг бодвол мөрөөдөл болно

Өрөөлд байгааг авахсан гэж бодвол шунал болно

Өөрийн болоод бусдын үйлдлийг дүгнэж цэгнэвэл эргэцүүлэл болно

Өөр шинийг хийхсэн гэвэл хүсэл болно

Өн...

Цэцгэнд дунд нь тоглож өссөн цээний талаа эргээд хар даа. Гантай зун ч урсгал нь голынхоо дэргэд эргээд ир дээ.

Естой л нөгөө Хэрлэн Онон Туулын тунгалаг ариун уснууд, хүн малын ундаа болсон горхи булаг рашаанууд минь жилээс жилдээ дундарсан жирмийн цагаан нуураа гэж дуулдэг шиг л жилээс жилдээ дундраад байна уу даа. Юун нөгөө урсгал нь татраагүй Онон, Тунгалаг тамир, Орхон Сэлэнгэ Чулуут минь дээ. Ширгээд дуусах гээд байна шүү дээ.

Ус байхгүй болохоор ургамал байхгүй. Ногоорч найгах модод байхгүй, цэцэг навч байхгүй, малын хошуу хүрэх өвс байхгүй. за тэгээд ан амьтан байхгүй . . .

Нэг л ...

Нүүрсний утаа боргилсон хотын захын гэр хороололд төрсөн би

Нүүгэлтсэн их хотоо өлгий минь л гэж бодох юм даа

Цэнхэр манан суунагласан алсын барааг ширтээд

Чихэлдсэн  энэ л хотоо сэтгэл хямран харахад

Үлээж байгаа утаа хайраад ч байгаа юм шиг

Өршөөл хүссэн хүмүүс нь уймраад ч байгаа юм шиг

Ээ дээ хэцүү санагдахад элэг зүрх минь шархирч

Хосгүй гунигийн нулимс хоёр нүдийг минь бүрхдээг.

/Ч.Чимид найрагчийн "Би Монгол хүн" шүлгийн зарим мөрүүдийг өөрчлөв. Энэ шүлгийг бичиж байхдаа ингэж өөрчлүүлнэ гэж бодоогүй л байх даа. Уучлаарай./

...

Сая lazulum-ийн бичсэн зүүдний тухай бичлэгийг уншаад өөрийнхөө зүүдний талаар бичмээр санагдчихлаа.

Би л хувьдаа дандаа зүүдэлдэгээ. Гэхдээ яг сэрэхийнхээ өмнөхөн зүүдэлсэн зүүдээ санаад байх шиг байдаг юм. бас хааяа хар дарж зүүдлээд сэрвэл тэр зүүдээ тодоос тод санахыг нь яанаа.

Би нэг хэсэг яг ингэж, нэг юманд хөөгдөж, зугтааж зүүдэлдэг байсан. Одоо харин тэгж зүүдлэхээ больж, яагаад тэгж зүүдэлдэг байсан юм бүү мэд. ямар ч байсан би зугтаад л, ядаж байхад баригдахгүй шүү, яг ард л хөөгөөд байна. тэгээд нэг газар ороод нуугдахаар нээх удалгүй л ороод ирнэ. Үнэхээр дарамттай. 

Ер нь юу...

Манайхан ер нь аливааг туйлшруулах гээд байдаг, тэгж ойлгоод хандаад байдаг зантай юм уу даа.
Сүүлийн үед төрөл бүрийн ном зохиол, орчуулгууд ихээр хэвлэгдэн гарч, мөн хувь хүний болоод байгууллагын дотоод зохион байгуулалт менежментийн чиглэлийн сургалтууд ч их болжээ. /тэр бүр олж уншиж, оролцож чадах нь ховор юм даа/.

Ялангуяа хэрхэн амжилтанд хүрэх вэ, амжилтын түлхүүр юу вэ, яаж амьдралаа өөрчлөх вэ, бизнесмен хүн ямар байх ёстой вэ гээд л
Үүн дээр ном бүр, за даа хүн бүр өөрийн санаа зөвлөгөө, арга барилаа хэлсэн байх юм.
өөрийгөө хүндэл, бусдад чин сэтгэлээсээ ханд, зорилготой бай...

Элгээ хөштөл инээгээрэй
Эвхэрч унаад инээгээрэй
Амаа ангайлгаад инээгээрэй
Айхтар чангаар инээгээрэй
Хи хи хи инээгээрэй
Ха ха ха инээгээрэй
Өнгө өнгөөр инээгээрэй
Өөр өөрийнхөөрөө инээгээрэй
Нулимсаа гартал инээгээрэй
Нуруугаа хөштөл инээгээрэй
Хи хи хи инээгээрэй
Ха ха ха инээгээрэй
Нүүрээ дүүрэн инээгээрэй
Нойроо сэргэтэл инээгээрэй
Гараа саваад инээгээрэй
Хөлөө дэвсээд инээгээрэй
Хи хи хи инээгээрэй
Ха ха ха инээгээрэй

...

Үг болгон үнэн байдаггүй ч
Үйл болгон зөв байдаггүй ч
Хүн болгон сайн байдаггүй ч
Хүлэг болгон хурдан байдаггүй ч

Мөрөөдөл бүхэн биелдэггүй ч
Мөхсөн бүхэн сэргэдэггүй ч
Харсан бүхэн баригддаггүй ч
Хайсан бүхэн олддоггүй ч

Үг бүхнээ үнэн хэлж амьдаръя
Үйл бүхнээ зөв хийж амьдаръя
Хүн болгон санаа сайтай амьдаръя
Хүссэн зүйлээ бүтээж амьдаръя

Мөрөөдөл бүхнээ биелүүлж амьдаръя
Мөнхийн хайрыг түгээж амьдаръя
Хайсан бүхнээ олж амьдаръя
Хамгийн гол нь бүтээж амьдаръя...

Жаргаж байна гэтэл зовж байж болох
Зовж байна гэтэл жаргаж байж болох
Инээж байна гэтэл уйлж байж болох
Уйлж байна гэтэл инээж байж болох
Тусалж байна гэтэл усалж байж болох
Усалж байна гэтэл тусалж байж болох

Сайн үйлийг бүтээж байна гэтэл, саарыг хийж байж болох
Саар үйлийг хийж байна гэтэл, сайныг бүтээж байж болох

Зүүдэлж байна гэтэл, сэрж байж болох
Сэрж байна гэтэл, зүүдэлж байж болох
Гавъяа байгуулж байна гэтэл гай тарьж байж ч болох
Гай тарьж байна гэтэл гавъяа байгуулж байж ч болох

Ай даа би яахан мэдэх билээ
Амьдрал чиний аашийг хэрхэн олох билээ.  

...

Та өөртөө юуг хүсдэг вэ? Ямар зүйлийг хүсдэг вэ?
За мэдээж муу зүйлийг хүсдэггүй байх л даа. Сайн гэж бодож байгаа зүйлээ л хүсдэг байх.

Тэхээр та өөртөө хүсээгүй зүйлийг бусдад бүү хүсээрэй

Хэн нэг нь таныг хуураасай, мэхлээсэй гэж хүсдэггүй бол та хэн нэгнийг бүү хуурч мэхлээрэй.

Өөрийгөө өвдээсэй, зовоосой гэж хүсдэггүй бол та өрөөлийг бас өвдөөсэй зовоосой гэж бүү хүсээрэй.

Амжилтанд дандаа хүрэх юмсан гэж боддог бол та амжилтыг бусдаас бас бүү харамлаарай.

...

Эдийн дээд хадаг, идээний дээд архи гэдэг. Архи гэдэг бол яахын аргагүй хүндтэй бөгөөд хүндэлж хүртүүштэй идээ юм.
Саяхандаа, аль сувгаар гэдгийг сайн мэдэхгүй байна, 2 ч удаа гарсан санагдаж байна, Архи гэдэг идээний тухай Б.Лхагвасүрэн гуай ярьж байсан. Их зөв зүйтэй, санаа авууштай зүйл ярьж байсан л даа.
Архи гэдэг бол хүний араншинг харуулдаг, өөрчилдөг идээ. Хөлгүй хүнийг хөлтэй болгож, хөлтэй хүнийг хөлгүй болгож, хэлгүй хүнийг хэлтэй болгож, хэлтэй хүнийг хэлгүй болгодог, хашгируулдаг, уйлуулдаг, догшруулдаг, инээлгэдэг идээ.

Манай ард түмэн дөч хүрээд дөнгөж амс, тавь хүрээд тавь...

Хэзээ ч би чамд хайртай гэдгээ хэлэхгүй
Хэн нэгний харцнаас чамайг би харамлахгүй

Араас минь дуудахгүй бол эргэж харахгүй
Амрагийн дууг аялаад яваад л өгнө
Гараас минь барихгүй бол зогсож хүлээхгүй
Галын дөл шиг бадраад л өнгөрнө

Харцаараа аргамжихгүй бол холдоод явчихна
Ханзарч байгаа цас шиг урсаад замхарна.
Хайраараа аргадахгүй бол буцаад л явчихна
Хаврын салхи шиг шуураад л арилна

Навч шиг хийсээд өгнөө
Шувуу шиг буцаад ниснээ
Цэцэг шиг дэлгэрээд л өнгөрнөө
Ус шиг урсаад л өнгөрнөө Миний дурлал

Хэзээ ч би чамайг хараагүй юм шиг
Хэзээ ч би чамайг хайгаагүй юм шиг
Хэз...

Худал үгүй үнэн байх уу?
Үнэн үгүй худал байх уу?
Хясал үгүй хүсэл байх уу?
Хүсэл үгүй хясал байх уу?

Жаргал үгүй зовлон байх уу?
Зовлон үгүй жаргал байх уу?
Бие үгүй сэтгэл байх уу?
Сэтгэл үгүй бие байх уу?
Би үгүй чи байх уу?
Чи үгүй би байх уу?

Газар үгүй тэнгэр байх уу?
Тэнгэр үгүй газар байх уу?
Ус үгүй өвс байх уу?
Өвс үгүй ус байх уу?
Уул үгүй тал байх уу?
Тал үгүй уул байх уу?

Учрал үгүй хагацал байх уу?
Хагацал үгүй учрал байх уу?
Эхлэл үгүй төгсгөл байх уу?
Төгсгөл үгүй эхлэл байх уу?

Уудам орчлонд юу байх вэ?
Урсаж өнгөрөх юу байх вэ?
Удтал орших юу б...

Би бол хавар

хөдөө хээрт цангинах төлийн дуу шиг
хөхрөх уулсдаа ногоорох модод шиг
цөнгөө түрсэн нуур шиг
цөөрмөө санасан шувуу шиг
Би бол хавар

Би бол зун

Инээж байгаа нар шиг
Эвшээж байгаа солонго шиг
Дэлгэрч байгаа цэцэг шиг
Дэвэрч байгаа сүү шиг
Би бол зун

Би бол намар

Шарлан унах навч шиг
Шаагин асгарах буудай шиг
Сэвшин үлээх салхи шиг
Сэрүү татах айраг шиг
Би бол намар

Би бол өвөл

Бударч орсон цас шиг
Будан татсан уулс шиг
Хайрч байгаа жавар шиг
Хагдарч байгаа өвс шиг
Би бол өвөл...

Дахиад л би зүүдэллээ. Мөнөөх л эл хуль цэлгэр том танхим..., үйл олон шургуулганы өмнө зогсож байх. Харанхуй бүүдэг тэр танхимд хаанаас ч юм нарны бүдэгхэн гэрэл ертөнцийн түмэн тоосыг өөртөө татсан мэт манантан, зурвасхийн тусна. Тэр гэрлийн үзүүрт нэгэн шургуулга, үнэндээ бол түүн дээрх гарчиг миний сонирхолыг татлаа. "Jije-д бичсэн миний мэссэжүүд".

Гайхалтай нь тэр шургуулгын бариул нь халцарч элэгдсэн байх юм. Яагаад, хэн дандаа үүнийг онгойлгон уншдаг юм бол... үгүй ээ энд чинь би л орж ирдэг, энэ чинь миний л зүүд шүү дээ. Тэгэхээр би зүүдлэх болгондоо зөвхөн энэ шургуулыг татдаг ...