2007-10-24 - Монголд вэб сайтын хөгжил хэрхэн явагдаж байна вэ?

Өдгөө ч гэсэн зарим нэгэнд интернэт гэх энэ vг асар хол, бvvр харь гаригийн зvйл мэт ойлгомжгvй санагддаг хэвээрээ байгаа нь нууц биш. Учир нь ашиглах боломж олддоггvй эсвэл ашиглаж чаддагvйгээс тэр биз. Гэхдээ нэг vеэ бодвол Монгол улсад интернэтийг ашиглах явдал хэвийн vзэгдэл болж вэб сайтын ашиг тусыг мэддэг болж эрэлц хэрэгцээ ихсэж хvмvvс хошуурах болжээ.

Удахгvй хэвлэмэл ном зохиол, сонин сэтгvvл тvvх болно ч гэх хандлага байдаг.  Тэр ч бvv хэл телевизvvдийн орон зайгч интернэт нөхнө гэнэ. Энэ бvхнээс харахад интернэт гэдэг зvйл хvн төрөлхтөнд ямар их хурд хvч мэдээлэл ашиг орлого глобалчлалыг авчирч байгааг төсөөлөх аргагvй юм. Интернэт бидэнд *ирж яваа цаг* байснаа болж өдгөө өдөр тутмын цаг минут тутмын хэрэглээ боллоо.

Манай төрийн болон төрийн бус байгууллага компани аж ахуйн нэгж тэр ч бvv хэл хувь хvмvvс хvртэл өөрийн гэсэн вэб сайттай болов. Төр засаг хvртэл нээлттэй засаглал хөтөлбөр хэрэгжvvлж, нээлтэй нийгэм гэж лоозогнож өөрийн мэдээ мэдээллийг цаг тухай бvрт нь интернэтэд өөрийн вэб хуудсаар олон нийтэд нээлттэй хvргэж, бvхий л яам тамгийн газар агентлагуудаа вэб сайттай болгох аян өрнөж амжилттай хэрэгжсэн гэх. 

Орчин vед вэб сайтгvй байгууллага аж ахуйн нэгж гэж бараг vгvй болж. Хэрэв тийм байгууллага аж ахуйн нэгж байгаа бол онигоонд орох хэмжээнд хvртэл хvрчээ. Тэгвэл манай төрийн болон бусад аж ахуйн нэгж байгууллагуудын хувьд ямар байна вэ. Мэдээлэл хэр нээлттэй ил тод байна вэ? Энэ байдалтай танилцахаар цөөн хэдэн вэб сайтуудаар нь зочиллоо...

Yндсэн хуулийн цэцийн www.conscourt.gov.mn сайтаар зочиллоо. Ямар ч байсан нээгдэж байна. Харамсалтай нь мэдээллээ тэр бvр шинэчилдэггvй, сvvлийн vеийн мэдээ мэдээлэл гээд байх юм байхгvй нэлээд залхуу вэб сайт байгаа нь хангалтгvй санагдав.

Цаашлаад Монгол улсынхаа ерөнхий сайдын www.pmis.gov.mn сайтаар зочлох гэсэн боловч нэвтэрч чадсангvй. *Yхмэл* сайт бололтой хөөрхий. М.Энхболдыг ерөнхий сайд болсоноос хойш энэ сайт ажилласан эсэх нь эргэлзээтэй. Тэгэхээр манай ерөнхий сайд их л нууцлаг, далд байх сонирхолтой нэгэн бололтой.

Монгол улсын ерөнхийлөгчийнхөө www.president.mn сайтаар нь орлоо. Хаа очиж мэдээлэл нь байнга шинэчлэгдэж байдаг бололтой. Н.Энхбаяр ерөнхийлөгчийн ажил бvтээл айлчлалын тухай дэлгэрэнгvй мэдээлэлтэй зураг хөрөг нь арвин гэж жигтэй дажгvй сайт байна аа. Болоо доо.

Хамгийн чухал Монгол улсын засгийн газрынхаа сайтаар орохгvй бол алдас болно гэж бодлоо. Сvvлийн vед явуулж байгаа vйл ажиллагаа болоод мэдээ мэдээлэл авахаар www.pmis.gov.mn сайтруу нь орох гэж оролдлоо. Ерөнхий сайдын сайт руу нэвтэрч болсонгvй. Бас л *vхмэл* сайт бололтой. Засгийн газар маань бас л их нууцлаг ил тод биш байдаг бололтой. Өөрөөр хэлбэл нууцтай Ерөнхий сайд, нууцлаг Засгийн газартай аж. Сайт руу нь орж мэдээ мэдээлэл авна гэвэл гонж гэнэ.

Сонгууль хаяанд ирлээ Сонгуулийн ерөнхий хорооны www.gec.gov.mn вэбрvv зочиллоо. Аль 6 сараас хойш шинэчлэгдээгvй хуучин мэдээлэлтэйгээ байна. 8 сард нэг мэдээ оруулсан болжээ хөөрхий. Сvvлийн ИТХ-ын нөхөн сонгуулийн дvнгийн талаар А vсэгч алга. За нэг иймэрхvv байдаг байжээ. Төрийн албаны хvнд суртал энэ юм байх даа.

Төрийн өмчийн хорооны www.spc.gov.mn сайтаар орлоо. Уг нь дажгvй л хийцтэй сайт юмсанж. Мэдээ мэдээлэл хэсэг рvv нь орлоо аль 4, 6 сард л ганц нэг мэдээ оруулсанаас өөр шинэчлэгдсэн юм алга аа. Өөр хийсэн ажил мэдээлэх зvйл эдэнд байдаггvй бололтой. Ингэж л санагдлаа.

Монгол улсын тагнуулийн ерөнхий газрын  сайтаар нь орлоо. Аль 1992 оноос хойш шинэчлэгдээгvй байх жишээтэй. Аргvй дээ их нууц байх ёстой байгууллага юм чинь гэж саналаа. Бас вэбтэй байгаа нь яамай даа гэж баярлав.

Монгол улсын тулгамдсан асуудлын нэг болоод байгаа Ой усны нөөцийн газрын вэб сайт болох www.water.mn –ээр орлоо. Сvvлийн vеийн мэдээ мэдээлэл статистик vзэх гэтэл байдаггvй ээ. Нvvрэн дээр нь бvvр 2003, 2004 оны хуучирсан мэдээлэл цохиж явна. Тvvхийн ном биш дээ. Бушуухан гарлаа.

Yндэсний Аудитын газрын www.mnao.pmis.gov.mn сайтаар орлоо. Yнэндээ шинэ хуучин мэдээ гэх юм байсангvй гэж болохоор аж. Гарав.

Цагдаагийн ерөнхий газрын www.ubpolice.mn сайтаар зочиллоо. 2007 оны 9 сараас хойш мэдээлэл нь шинэчлэгдээгvй байв. Хуучирсан мэдээ жаахан уншсан болов.

Сvvлийн vед хэл ам татлаад  салахаа больсон Монголын төмөр замын www.mtz.mn вэбээр зочиллоо. Мэдээ мэдээлэл хийж байгаа ажил ололт амжилт алдаа дутагдал юу байна сонирхоцгооё. Бас л орж чадсангvй. Бvр нэвтрvvлэхгvй байна гээч. Мөн л хаалттай байгууллага бололтой

Хил хамгаалах ерөнхий газар, Иргэний бvртгэл мэдээллийн төвийн сайтаар зочлох гээд мөн л чадсангvй. Ажилладаггvй юм уу эсвэл тvр хаагдсан юм уу чөтгөр бvv мэд. Хаалга нь тvгжээтэй мэдээлэл нь хав дараатай аж.

Манай зарим нэг төрийн болон бусад байгууллагуудын вэб сайтууд нэг иймэрхvv л байдаг бололтой. Ямартаа ч нэг вэб хаягтай болов ч нэр төдий халтуур маягтай эсвэл зvгээр л хаалттай байлгадаг аж. Мэдээ мэдээлэл хайсан иргэн хvн цаг заваа гарздан тэдний хаягуудаар ороод нэг бол хэдэн жилийн өмнөх мэдээлэл хараад хуучирсан мэдээлэл, тvvх унших vгvй бол нэвтэрч чадахгvй толгой сэгсэрээд гарах бололтой.

Нээлттэй ил тод нийгэм байгуулж байна гээд л хаа хаанаа лоозогноод л байдаг. Мэдээлэл олж авах эрх иймэрхvv хаалттай байсаар л байна.  Ядаж вэбийнхээ мэдээ мэдээллийг долоо хоногт нэг ч болтугай шинэчилж байх тал дээр анхаармаар юм аа!

/Болод.М/