2007-04-17 - ЕБС-ийн дvн нууцлалт авилгалыг өөгшvvлж байна уу?!

Нэг иймэрхvv зvйл дуулдаад надад мэйлээр хvмvvс хандаад байх юм! Болод нь яах уу бичих vv...

Ерөнхий боловсролын сургуулиудад сурагчдын дvнг нууцлах болсоор хоёр дахь жилээ болж байна.

Сурагчийн авсан дvнг сурагч тvvний эцэг эхэд л хэлэхээс бусдаар өөр хэн ч мэдэхгvй байхаар журмалжээ. Өөрөөр хэлбэл багш хvvхдийн дvнг анги хамт олон дунд нь зарлах эрхгvй болжээ.

Зөвхөн хvvхдэд өөрт нь ганцаарчилж хэлэх мөн эцэг эхэд нь хэлэх vvрэгтэй аж. Багш бvр хувийн журналтай бөгөөд хvvхэд тус бvр өөрсдөө дvнгийн хуудастай юм байна.

Энэхvv тогтоол 2005 оны хичээлийн жилээс БСШУЯамны сайдын тушаалаар хэрэгжиж эхэлжээ.

Ингээд орчин vеийн ЕБС-ын анги хамт олон сурагчдын дунд урьдын муу болоод онц сурлагатан гэх ойлголт vгvй болж. Шалгалтаар хэн ямар дvн авсаныг бусад нь мэдэх эрхгvй далдын хар малгайтанууд...

Энэ тал дээр багш сурагчид болон эцэг эхчvvдийн дунд одоог хvртэл маш их маргаантай байгаа аж. Зарим нэг нь дvн нууцлах болсон нь зөв арга хэмжээ болсон гэж байхад нэг хэсэг нь энэ бол маш буруу зvйл гэж байх жишээтэй.

Ялангуяа эцэг эхчvvдээс дvн нууцлах болсон нь багш нарын хээл харууль авилгал авах боломжийг нээж өгсөн явдал боллоо гэх гомдол их байна. Өөрөөр хэлбэл дvн нууцлалт авилгалыг өөгшvvлж байна гэнэ.

Тэр ч байтугай зарим багш нар энэхvv дvн нууцлах болсноор сурагчдын хоорондох сурлагын өрсөлдөөн vгvй болж идэвх суларч байна. Энэ эргээд  ил тод нээлттэй ардчилсан байх зарчмыг зөрчсөн явдал болсон гэж байлаа.

Хvvхдvvд ч гэсэн бие биентэйгээ өөрсдийгөө, дvнгээ харьцуулж хэр шударга vнэлж дvгнэснийг мэдэх хоорондоо уралдаж өрсөлдөх боломжгvй болсон нь нэг талаар таалагдахгvй байна, энэ нь зөвхөн муу суралгатанд л ашигтай зvйл гэж байна.

Гэхдээ бас сөрөг талаас харахаас илvvтэй эерэг талыг нь харж дvн нууцалдаг болсон нь сайн зөв зvйл боллоо гэх эцэг эх багш сурагч нар ч олон байлаа.

Учир нь дvн нууцалдаг болсноор хvvхдийн эрх, хувийн нууцийг хамгаалсан явдал болсон. Хvvхдvvд болон багш нар сурагчийг дvнгээр ялгаврлан гадуурхах явдал байхгvй болсон. Бvгд ижил тэгш эрхтэй сурч боловсрохоос гадна сурагч өөрийгөө чамлах дорд vзэх эсвэл хэт дөвийлгөх явдал vгvй боллоо гэж байна.

Ингээд энэ талаар тодруулахаар БСШУЯ-ны ЕБС хариуцсан мэргэжилтэнтэй уулзахад дvн нууцлах болсон нь шалгарсан арга гэнэ.

Тvvний хэлснээр дvн нууцлах журмыг хэрэгжvvлэхийн тулд маш сайн судалгаа шинжилгээ хийж санал асуулга явуулсны vндсэн дээр  сайдын тушаал гарч эхний нэг жил туршилт маягаар явуулж одоо бvрэн утгаар нь хэрэгжvvлж байгаа аж.

Дvн нууцалсанаар зарим хvvхэд багаасаа өөрийгөө муу суралгатан гэж ойлгож төлөвших цаашид сурах эрмэлзлэлгvй болох явдлыг таслан зогсоож хvvхэд бvр эрх тэгш сурч боловсрох боломжийг нь хангаж өгч байгаа явдал болжээ. Мөн сурагч багш нар хvvхдийг ялгаврлан гадуурхах явдлыг vгvй болгох зорилготой аж.

Харин багш нар дvн нууцалснаар далимдуулж эцэг эхчvvдээс  авилгал авч дvн засах худлаа дvгнэх явдал гарч байгаа бол энэ нь цэвэр тухайн багшийн ёс суртахууны асуудал гэсэн. Ийм явдалтай цаашид тууштай тэмцэхээ ч хэлж байсан. 

Ямар ч атугай ЕБС-иуд дvн нууцалдаг болоод хоёр жил өнгөрчээ. Сурагчдын хувьд муу сайн онц суралтгатан гэж ойлголт vгvй болж байгай бололтой. Хvvхэд өөрийгөө би л муу суралгатан гэж олны дунд чичлvvлэх тvvндээ гутрах ичих энэнээсээ болж цаашид сурах хичээлдээ явах сонирхолгvй болох, өөртөө итгэлгvй болох явдал vгvй болж байгаа бол сайшаалтай.

Аливаа юм хоёр талтай байдаг гэдэг. Мөн шинэ юм анх гарч ирэхдээ хэл ам таталдаг нь гайхаад байх зvйл биш.

Ямар ч атугай багш нар минь л ёс суртахуунтай байж чадвал эцэг эхчvvд маань шударга байж чадвал бvгдээрээ хамтдаа хvvхэд багачууддаа шударга сайн боловсрол олгохын төлөө байвал бvх юм сайн сайхан болох нь дамжиггvй ээ...

Монголын боловсролтой vрс маш олон болтугай!

Та ч гэсэн өөрийн саналаа бичээрэй!!!

2006 он