2007-04-17 - Ий ий ий

Ухаант хvн та

Уужуу талбиу байгтун

Амьдрал хэцvv байна гэж

Гуниглаж суухаа болигтун

Өөрөө өөрийгөө захирагтун 

Өөрөө өөрийгөө ялагтун

Өвдөг цэх зогсогтун 

Тэргvvн өөдөө байхгтун

Өнөөдрийн хvслээ дагахуу

Ирээдvйн хvслээ дагахуу

Yvнийг л та шийдэж

Оюун бодолдоо хадаагvй бол

Сайхан амьдралын тухай

Санахын ч хэрэггvй биз дээ

Салхины аясаар өнхөрөх

Хамхуул лугаа бизээ

Зорилгогvй хvмvvн гэдэг

Залхуу хvмvvнээс дор билээ

Зовж хичээж ажиллавч

Зvгээр зогсохоос дээргvй билээ 

Тиймийн учир та минь

Толгойгоо эхлээд ажиллуулагтун

Тvvний дараа л гагцхvv

Гараа хөдөлгөж дайрагтун

Өнөөдрийн зорилгоороо амьдрах бол

Маргааш болоод өчигдөрт шаналах хэрэг юун

Эхнэр хийгээд vр хvvхэд гэж

Элийрч явах илvvц хэрэг

Цаг хором бvрийн бал бурмыг амталж

Царай өнгө мөнгөнд гар тосож суугтун

Цай хоол архи дарсанд толгой мэдvvлж байгтун

Цаг харах барихыг цааш нь хол хаягтун

Ирээдvй чамд vгvй тул инээж наргиж явагтун

Итгэл гэдэг зvйлийг мартаж энэ хоромдоо л жаргагтун

Өөрөө өөрийгөө хайрлаж энхрийлэгтvн

Өрөөл бусдаар тохуурхаж тоглогтун

Харамсалтай нь танд vхэл ирнэ

Хагацах цагт хань vгvй дурсамж vгvй

Хайр vгvй бахархал vгvй

Хэн ч биш байх танд цаг заавал ирнэ

Гуниг хийгээд харуусал

Гутрал хийгээд харамсал

Нэг л мэдэхэд нөмөрч

Нэрвийтэл дарна

Даан ч тэр vед

Та нэгэнт хожимдсон байна

Тайвшрах зvйл танд vгvй болсон байна

Ээ дээ энэ бэрх байна

Ингэж амьдраад дэмий юм гэвэл

Ирээдvйн зорилгоор амьдрах бол

Өнөөдрийн хvслээ золиослогтун

Yvрдийн жаргалийн төлөө

Өнөөдөр маргааш бvр насаараа ч  зовогтун

Маргаашийн хоолны төлөө

Өнөөдөр бас өлсөнө дахиад л өлсөнө

Бусдын жаргалын төлөө

Бурханы таалалын төлөө

Бvх насаараа ч хамаагvй

Буян гэсэн бvхнийг vйлдэгтvн

Дургvй хvндээ бөхийж

Дуртай хvнээсээ бултаж

Дур хvслээ дарж

Догшин омгоо бөхөөгтvн

Ингэж та амьдарлаа ч

Эцэслэх цаг ялгаагvй ирнэ

Ирэх тэр цагт та ихэд сэтгэл хангалуун

Эрэгцvvлж хэвтэх нь юу л бол

Yнэн итгэл тань унтрахгvй л бол

Yvрд хайсаар одох буйзаа

Өөрөө тунгааж ойлгоогvй

Итгэл бишрэл гэдэг

Огт ойлгохыг vл хvсэгч

Илжигнээс дор гэнэм зээ

Аль замар явах нь

Ай таны таалал

Энэ хоёроос өөр

Ийм ерөнхий зам

Энэ ертөнцөд vгvй гэнэм

Ий ий ий ий

Худлаа шvлгийн минь төлөө

Хундаг өргө анд минь!

Өөрийнхөө амьдарлыг эргэцvvлж

Энэ л vнэн байна гэж дуу алд нөхөр минь!