2007-04-17 - *Бурхангvй газрын бумба галзуурна*

Монгол оронд маань гадны тvм буман шашин чөлөөтэй зэрэгцэн оршин тогтнодог болоод багагvй хугацаа өнгөрөв. Аргагvй л ардчилсан орон шvv хэмээн шогширно. Ардчилалын салхитай хамт хаа сайгvй бөө удган, мэрэгч төлөгч, лам шар нар мандан бадарч моодонд орох болсон.

Их л удаагvй гадны элдэв шашин хvч тvрэн орж ирэх болсон. Цухас дурдах юм бол бидний олон жил шvтэж ирсэн бөөгийн шашин болон буддагаас маань гадна, христ, лал, андо, *мунн*, марго гэх мэт олон шашин урсгалууд нэвтэрч сvм хийдvvд борооны дараах мөөг шиг олшров. Эгээ засгийн газрын ордоноос маань сайхан сvрлэг тансаг харшууд сvм нэрийн дор баригдаж эхлэсэн.

Нэг их бурхан шашин гээд сvйд болоод байдаггvй ихэнх монголчуудын маань оюун санааг булаацалдан хөөрхөн *дайн* дэгдсэн гэхэд хилсдvvлэг болохгvй. Ядуу зvдvv зовлон зvдгvvр сэтгэл санааны тогтворгvй энэхvv байдлыг ашиглан олон ч хvнийг эгнээндээ нэгтгэж цөөнгvй vнэнч фанатуудтай болцгоов.

Бvр сонгууль шиг л хувцас хоол тvгээж ном товхимол тарааж рекламдах нь гайхалтай. Номлол цугларалтанд нь ирсэн хvнд хоол өгч гарыг нь цайлгадаг гэх. Ийнхvv эд зvйлээр хvнийг татаж оюун санааг нь хулгайлдаг бололтой гэх. Бидний олон хvvхэд багачууд Есvс, ертөнцийн эзэн гэж сvйд болдог болсон нь маш сайн менежмент рекламтай нь холбоотой байх.

Улсын маань ерөнхийлөгч хvртэл номтой хvний шавь, буддын шашны vнэнч шавь хэмээн өөрийгөө рекламдаж илт шарын шашнаа хөхvvлэн дэмжиж бараг хамт суугаад л ном уншихаа шахдаг болсон гэхэд хилсдvvлэг болохгvй. Энэ нь сайн хэрэг ч гэлээ нөгөө талаар тун таагvй хэрэг байж болох. Учир нь vндсэн хуулиндаа бvх шашинд эрх тэгш хандана гэж заачихаад л төр засаг нь шарын шашиндаа илт тал засаж бvгдээрээ л шахуу очин мөргөж сөгдөн бараалхаж холилдон орших нь хачирхалтай. Бvр олон нийтийн дунд *шашин төрийг хослон баригч манай ерөнхийлөгч* гэх явган яриа гарсан удаатай. Эсвэл төрийн шашин гэж аль нэгийг нь зарлан тэрний ёс жаягаар явбал таарах гэлтэй.

Vнэндээ төр шашин хоёр холидохоороо ямар их төвөг авчирдагийг тvvхээс харахад андашгvй. Харилцан бие биеэ хvндлэн оршвол зохилтой мэт санагдана. Ер нь шашинаас vvдэлтэй нам эвсэл бvлгэм ямар их туйлширч улайран зvтгэдгийг гадны жишээнээс харж болно. Иргэд нь ч гэсэн хуваагдаж тэмцэлдвэл ямар их гай авчирдагийг арабын ертөнцийн мөргөлдөөн алан хядлага тогтворгvй байдлыг харахад л сэтгэл сэртхийнэ. 

Өнөөдөр гэхэд л дээрхийн гэгээн Далай лам манайд айлчилж байгаа энэ vетэй давхцан бас нэгэн энэтхэгийн дээрхий гэгээн гэж өөрийгөө өргөмжилсөн нөхөр ирж 10.000 төгрөгийн vнэтэй баясалгал хийлгvvлж Монголчуудыг гэгээрvvлэх юм байх. Энд ерөнхийлөгч сууна ч гэх шиг.  Бас болоогvй Есvсийн бас нэг нөхөр ирж Монголын хараагvй иргэдийг хараатай болгож суумгай хvмvvсийг явдаг болгож ид шид гэдгийг vзvvлж өгөх гэнэ.

Нэгл өдөр тэнгэрээс бvх бурханд зэрэг зэрэг манайд залран буугаад ирэв гэнэ бvгдэнгээс нь адис авч чадвал хөлсийг нь долоочихвол энэ насандаа тамд очихгvй нь лавтай боллоо гэх хvн ч таарч байх юм.  Энэ мэт *бурхангvй газрын бумба галзуурна* гээч болох нь дээ манайд. Аль жинхэнэ дээрхийн гэгээнтэн байж биднийг гэгээрvvлэх юм болдоо гэх бодол ч төрнө.

Угтаа ядуу зvдvv амьдрал тааруу хvмvvсийн боловсрол мэдлэг нимгэн сэтгэл санаа нь тогтворгvй газар оронд л элдэв шашин машид хөгжин дэлгэрдэг гэх юм билээ.

Монголчууд биднийг бурхан ивээх болтугай!!!