2007-07-30 - АПУ арай ч дээ!!!

Зууны манлай vйлдвэр АПУ компани ажилчдынхаа амьдрал ахуйд байнга анхаарал халамж тавьж тусалж дэмждэг гэсэн нэгэн пи ар-ын төлбөрт мэдээ телевизийн бvх сувгаар шахуу нэгэн зэрэг оройжин маргааш өглөөжин гарав.

Учир юу гэвэл монголын хамгийн томд тооцогдох мань компани таван ажилчиндаа таван ханатай монгол гэр олгосон юм байх. Тvvнийгээ л АПУ хоншоортой хаялагатай буянтай баян газар гэж ард тvмэнд ойлгуулж өөрсдийгөө дөвийлгөх гэсэн мэргэн санаа пи арчдынх нь толгойд  төрж л дээ. Тэгээд л телевизvvдийг дуудаж бvх сувгийн мэдээгээр нэвт цацжээ.

Мэдээ эхлэхдээ хэдэн монгол гэр харуулаад л *АПУ нийгмийн эмзэг давхарагынханд гар татдаггvй тусалдаг мөн ажилчдынхаа амьдрал ахуйд байнга тусалдаг* гэж ирээд авч гарлаа. Эгээ л буяны байгууллага гээгvй байх.

Ингээд тус мэдээний оргил хэсэг нь байгууллагынхаа буян хишгийг хvртсэн АПУ-ын ажилтан нэгэн эмэгтэйн цаанаас нь бэлдэж өгсөн хуурай магтаалын vг бvхий оршилтой ярилцлага байв. Тэрээр *Манай АПУ компани ажилчдынхаа нийгмийн асуудал амьдрал ахуйд нь байнга тусалж дэмждэг сайхан газар... Би энэ байгууллагадаа анх 15 наснаасаа эхлээд тасралтгvй 40 гаруй жил ажиллаж байна.  Ингээд өнөөдөр таван ханатай гэр авч орон гэртэй болсондоо баяртай байна* гэж байх юм.

Yгvй мөн тун ч өгөөмөр буянтай өглөгч том компани юм аа гэж vзсэн хvн болгон толгой сэгсэрч шvvрс алдана гэсэн АПУ-ийн пи арчидын тооцоо 360 градус эргэв. Yнэндээ энэхvv мэдээг vзсэн хэн хvнгvй мэл гайхаж цэл хөхрөв.

40 гаруй жил ажилласан ажилчиндаа ганц таван ханатай монгол гэр өгсөнөө гайхуулж өөрсдийгөө агуу буянтан гэж ард тvмэнд харуулах гэсэн ядуухан сэтгэлгээ нь энэхvv мэдээг vзсэн олон хvний дургvйг хvргэв.

Яана аа насаараа монголынхоо толгой цохих том компанид ажиллаад таван ханатай монгол гэртэй болох,  тэгээд бас болоогvй энийгээ зурагтаар зарлуулж ярилцлага өгч компаниа магтан дуулах рекламдах ёстой байх нь... Энэ яасан уудам сэтгэл вэ?!

 Ядаж АПУ биш өөр нэг жижигхэн захын ТYЦ-нд худалдагч хөлсөөр хийгээд ингэж байгаа бол өөр хэрэг гэхсэн.

За за vг олдов. Гэхдээ энийг хэлэхгvй бол vнэхээр хэл загатнаад байв.

Гэхдээ энд хэн нэгэнд гэр өгч буян болж байгааг буруутгах гэсэнгvй. Харин ч сайн хэрэг. Сайхан явдал. Тус багадна гэж vгvй.

Гэхдээ л... Монголын томд тооцогдох компанид насаараа буюу 40 гаруй жил ажиллаад эцэст нь ганц таван ханатай монгол гэртэй болж байгаа нь vнэхээр харамсмаар санагдав. Монголын толгой цохих том компани ингэж ажилчдынхаа ар амьдрал нийгмийн асуудалд нь хандаж vvнийгээ агуу зvйл гэж сэтгэж улс орон даяар зарлаж бахархаж байж ядаж байгаа юм чинь бусадтай нь бол ярих ч хэрэг байхгvй биз. Тэгээд бас болоогvй хvний зовлонгоор реклам пи ар хийж ард тvмний толгойг угаасан энэхvv явдалд нь vнэхээр эвгvйцэв. Тиймээ энэ мэдээг vзсэн олон хvн дургvйцэн ярьж толгой сэгсэрч *тvй* гэж нулимж байсан.

Будаач будаач гэж сахлаа будав гэгчээр АПУ минь өөрсдийгөө ил далд рекламдах өөр арга чарга олдохгvй байна уу даа. Ингэж  юм болгоныг реклам болгодогоо болино байгаа. Бас ажилчдаа болон ард тvмнийг ингэж арай ч элэглэж боломгvй мэт. 

Бодоорой доо ядруухан сэтгэлгээтэй ядуухан хаялагатай том нэртэй рекламчин компани минь!!!!

АПУ арай ч дээ!!!