2007-08-02 - Улаанбаатар хотын газрын маргаан гай дагуулсаар...
Монгол Улсад газрын шинэтгэлийн бодлогыг хэрэгжvvлэх явцад Улаанбаатар хотын нийтийн эзэмшлийн талбайн газар олголтын улмаас иргэдийн эрх ашиг зөрчигдөж байгаа билээ. Тиймээс тэдгээр хvмvvсийн нийтлэг эрх ашгийг хамгаалан хууль бусаар эмх замбараагvй олгогдсон газруудыг илрvvлэх, тvvнтэй холбогдох хууль тогтоомжийн гажуудлыг арилгахаар Vндэсний Соёмбо хөдөлгөөн Нээлттэй нийгэм форумын дэмжлэгтэйгээр ажиллаж байна. Бид ард тvмний санаа бодлыг сонсох, эрх ашгийг хамгаалах зорилготой юм.
Ийнхvv иргэний оролцоог идэвхжvvлж, санал хvсэлтийг сонсоход Сууц өмчлөгчдийн холбооны орчны газрыг баталгаажуулаагvйгээс хvvхдийн тоглоомын талбай, хөгшчvvлийн нарлах газарт баар, ресторан, зочид буудал зэрэг vйлчилгээний байгууллага баригдсаар. Энэ нь иргэдийн эрvvл, аюулгvй орчинд, амгалан тайван амьдрах язгуур эрх ашгийг зөрчиж байгаа гэдэгтэй санал нийлэх биз ээ. Мөн эмнэлэг, сургууль, цэцэрлэг зэрэг нийгмийн эрvvл ахуй, соёл, боловсролын салбарын эрх ашиг ч замбараагvй газар олголтын улмаас хөндөгдөөд байна.
Иймээс ч Yндэсний Соёмбо хөдөлгөөнөөс нийслэлийн хэмжээнд холбогдох эрх бvхий байгууллага, албан тушаалтнуудтай харилцаж санал, шаардлага тавьсан юм. Vvнд НИТХ-ын дарга Н.Болормаа, бvх дvvргийн засаг дарга, Нийслэлийн засаг дарга, Нийслэлийн газрын алба, Газрын харилцаа геодези зураг зvйн газар, Холбогдох яамдууд, Хvний эрхийн vндэсний комисс, Хvvхдийн төлөө vндэсний газар, Нийгмийн эрvvл мэндийн хvрээлэн, Авилгатай тэмцэх газар, Нийслэлийн өмчийн харилцааны газар, Монголын сууц өмчлөгчдийн холбооны дээд зөвлөл, сууц өмчлөгчдийн холбоод, зарим төрийн бус байгуулллагуудтай мэдээлэл авах, асуудлыг шийдвэрлvvлэх зорилгоор санал хvргvvлээд байна
Төрийн байгууллага албан тушаалтнуудын хvнд суртал хvндрэл учруулж байна
Дээрх ажлын явцад төрийн байгууллагын албан тушаалтны хvнд суртал хамгийн том бэрхшээлтэй асуудлын нэг болоод байгаа юм. Тухайлбал, албан бичгийн хариуг хуулийн хугацаанд нь буюу 14 хоногийн дотор өгөлгvй 1-4 сарын дараа тодорхой бус хариултыг өгч буйг дурдая. Төр тvмний албыг ийнхvv залгуулж байгаа нь нэн харамсалтай. Тэр ч бvv хэл зарим албан тушаалтан нь иргэдэд нээлттэй байх, ил тод байх мэдээллийг байгууллагын нууц хэмээн хуулийг уландаа гишгэж байгаа нь эмгэнэлтэй.
Ерөнхий сайд М.Энхболд Нийслэлийн Засаг дарга байхдаа олгосон захирамжууд газрын маргааны “загалмайлсан эцэг“ болж байна
Газрын тухай хуульд зааснаар аймаг, нийслэл, сум дvvрэгт засаг дарга нар газар олгох зөвшөөрлийг олгодог.Тодруулбал,Газрын тухай хуулийн 21.2.3 дахь заалтыг vндэслэн нийслэлийн хэмжээний газрыг Нийслэлийн Засаг дарга олгох эрхтэй.
Өнөөдрийн газрын маргааны дийлэнх нь бодлого төлөвлөлтгvй олголтоос vvсч байна.Ялангуяа 2000-2004 онд Нийслэлийн Засаг даргын сэнтийд сууж байсан Ерөнхий сайд М.Энхболдын дур мэдэн өгсөн захирамжуудтай хvйн холбоотой.
Улмаар уг захирамжуудыг Нийслэлийн засаг дарга Ц.Батбаяр дарга 2-5 жилийн хугацаагаар сунгадаг нийтлэг зөрчил бий болоод байна.
УИХ-аас 2005 оны долдугаар сарын 1-ний өдрийн 43-р тогтоолоор нийтийн зориулалттай орон сууцны орчны газрын vзлэг, тооллогын ажлыг улсын хэмжээнд явуулж дуусгах хvртэлх хугацаанд иргэн, аж ахуйн нэгж, байгууллагад орчны газарт шинээр газар эзэмшvvлэх, ашиглуулахгvйг газрын харилцааны асуудлаар шийдвэр гаргах эрх бvхий тухайн шатны засаг дарга нарт даалгасан юм. Гэтэл уг ажил явагдаж дуусаагvй. Тvvгээр vл барам 300 гаруй СӨХ-ны орчны газар баталгаажих ёстойгоос хоёр жилийн хугацаанд 88 нь л хууль ёсных гэх ч гэрчилгээгээ авсан СӨХ одоогоор vгvй. Vvний улмаас хvvхдийн тоглоомын талбайд сvндэрлэх барилга, байшин өдрөөс өдөрт нэмэгдсээр...
Өнгөц харахад Нийслэлийн Засаг дарга шинээр газар олгоогvй мэт боловч газрын тухай хуульд зааснаар газар эзэмших эрх авсан иргэн, аж ахуйн нэгж байгууллага хvндэтгэн vзэх шалтгаангvйгээр хоёр жил дараалан ашиглаагvй бол газар эзэмших эрхийн гэрчилгээг хvчингvй болгох ёстой. Байдал ийм байтал Засаг дарга хууль зөрчин сунгаж олгосоор байна. Энэ нь vйл ажиллагаагаа эхлvvлээгvй иргэн, аж ахуйн нэгж байгууллагад газар эзэмших эрхийг шинээр олгож байгаатай агаар нэгэн билээ.
Нийслэлийн хэмжээнд сая гаруй иргэд хохирч байна
Эрх бvхий албан тушаалтны эдгээр буруутай vйлдэл нь нийслэлийн нийтийн эзэмшлийн ногоон байгууламж зvлэг, мод, бут, сөөг, устгаж агаарын бохирдлыг ихэсгэх vндсийг тавьж байна. Тvvнчлэн орон сууц, эмнэлэг, сургууль, цэцэрлэгийг биеийн тамирын болон тоглоомын талбайгvй болгож, орж гарах зам, талбай хаагдахад хvрээд байна. Дэлхийд данслагдсан их хотын хvvхдvvд сургууль, цэцэрлэгийнхээ бvv хэл ч гэрийнхээ гадна ч тоглох газаргvй болж улмаар бие бялдарын хөгжил доройтох, оюун ухааны хомсдолтой болох зэргээр эрvvл мэндээрээ хохирсоор байх уу.Уншигч та нэгийг тунгаах биз ээ.
|
