2007-04-17 - УИХ-ын гишvvдыг хуралдаа сууж тvмний асуудал шийддэг яаж болгох вэ?

Сонгуулийн vеэр vхэн хатан гvйж гуйж ард тvмэнд өчнөөн зvйл амлаад гарч ирчихээд 4 жил сураг тасардаг бvр чуулганы хуралдаан дээрээ ч тоотой vзэгддэг гишvvд цөөнгvй байдаг.

Бvхэл бvтэн ард тvмний нэгээхэн хэсгийн төлөөлөл болсон эрхэм гишvvн нь УИХ-ын чуулгандаа ч  суухгvй тэдний хvндрэлтэй байгаа асуудлыг уламжлахгvй шийдэж өгөхгvй байхад хөөрхий сонгогчид толгойгоо шаан хулхидуулчихлаа муу золигт дэмий л саналаа өглөө гэж 4 жилийг гvрийж өнгөрөөх хэрэг гарна. Энд эргvvлэн татах хариуцлага тооцох гэсэн ямар ч ойлголт байхгvй гэхэд хилсдvvлэг болохгvй.

Энэ мэт явдал манайд хэвийн vзэгдэл болжээ. Ер нь яахаараа тvмэн олны итгэл дааж сонгогдчихоод чуулганаа таслаад хувийн эрх ашиг бизнесээ хөөгөөд яваад байдаг байнаа энэ гишvvд!

Yнэндээ УИХ-ын чуулган бvрэн ирцтэй хуралддаг тохиолдол тун цөөхөн байдаг болж. Ихэнхдээ л арай чvv гэж 60% ирцтэй л байдаг.

Заримдаа байхгvй гишvvдийнхээ ирцийн картыг дэргэдэх ирсэн гишvvд нь шургуулж хvчээр шахуу ирц бvрдvvлж асуудал хэлэлцсэн болж байгаа нь ч харагддаг.

Төрийн ордоноо олдоггvй юм уу эсвэл ороод төөрчихдөг юм уу бvv мэд, УИХ-ын чуулгандаа суудаггvй байнга шахуу хоцорч ирдэг дундуур нь сэмхэн гараад голордог моод ихэд дэлгэрсэн гэнэ.

Энэ байдал нь УИХ-ын дарга Нямдоржийн уур бухимдалыг ч багагvй барж байгаа харагддаг.

Ямар сайндаа л чуулган ирц бvрдэхгvй байгаагаас болж цаг шахуу хоцорч эхэлж байхав дээ.

Бидний сонгосон гишvvд ингэж л төрийн хэрэг тvмний асуудалд хандаж байна.

Тэдэнд төрийн хэрэг тvмний асуудлаас илvvтэй хувийн эрх ашиг сонирхол нь л ямагт энэ тэргvvнд явдаг бололтой.

Хөөрхий сонгогч бид яахав дээ нvдээ ширгэтэл эрхэм гишvvнээ ширтэж хvлээж горьдож найдсаар 4 жилийг барна. Нутаг оронд дорвитой хийгдсэн ажил байхгvй ард тvмний амьдрал дордсон гэхээс дээрдсэн юмгvй бахь байдгаараа. Ирэх сонгуульд хэн гоё ярьж хэдэн төгрөг сарвайсанд нь худалдагдахад бэлэн...

Энэ бvхнээс vvдээ УИХ-ын гишvvдийг ядаж УИХ-даа суудаг болгох тал дээр хаа хаанаа анхаарах цаг болжээ. Тасалсан цагаар нь торгууль тавьдаг мөн тодорхой цаг хэтэрвэл эргvvлэн татдаг байх зэрэг vvрэг хариуцлага өндөртэй чанд хатуу болгохыг ард тvмэн хvсэж байна.

Наад захын жишээ гэхэд л урд цагт:

Улсын Хурлын vйл ажиллагаа нь Богд хаанаас баталсан 8 зvйл бvхий дvрмээр зохицуулагдаж байж. 11 цагаас хуралдуулах бөгөөд хурлаас хожимдох хоцрох, таслах бөгөөс шар тосоор шийтгэж байв. Дvрмийн ёсоор "Бvгд Ерөнхийлөн захирах яамнаа сайн цагийн хэмжvvр нэтийг бэлтгэн тавьж эл цагийн хэмжvvрээр хоёр хурлын сайдууд, тvшмэдийг хэмжин болгож, Ерөнхий сайд, тvшмэд хэн боловч өөрийн хэрэглэх цагийг дэмий баримтлан саатах хожимдоход хvрч болохгvй" хэмээн нарийн тогтоож 15 минут хоцорвол Нийслэл Хvрээний гол шvтээн Очирдара, Их дуганы Зуу, Дара эх, Бvгд Ерөнхийлөн захирах яамны шvтээн гэх дөрвөн газарт 3 өдөр, шөнө зул өргөх шар тос, 15-30 минут хоцорвоос 6 өдөр, 30-45 минут хожимдох аваас 1 сарын турш зул өргөх шар тос тус тус хураан авдаг болжээ.
Хурлын гишvvд зайлшгvй тохиолдолд чөлөө мэдvvлэхдээ өөрийн биеэр хуудсаар бичиглэдэг бөгөөд дам төлөөний хvнээр чөлөө гуйлгах эсвээс чөлөөний хуудас хожимдон ирвээс хурал тасалсанд тооцож байжээ. Сонирхуулахад Дээд Хуралд Шvvх таслах яамны тэргvvн сайд Эрдэ¬нэ жvн ван, Дотоод яамны дэд сайд, Дархан чин ван нарын чөлөөний хуудас нэжгээд мөчөөр хожимдон ирснийг тогтоосон дvрмийн ёсоор шийтгэж дөрвөн газрын шvтээнээ гурваад өдөр шөнөд өргvvлэх зулын шар тос тус бvрийг арван хошоод жинг хураан авахаар тогтсон байдаг.

Yvнээс ч гэсэн сургамж авч эрхэм төрийн гишvvдийг хуралдаа суулгадаг болгох тал дээр анхаарал хандуулж дорвтой ажил хийх цаг хэдийн болжээ!!! Болохгvй бол тасалсан цаг нь хэтэрвэл УИХ-аас эргvvлэн татдаг больёоо!

 2006 он