2007-07-18 - Наадмын маргааш наадам!
*Наадмын маргааш намар* гэж өвлийн бэлтгэл ажилдаа ханцуй шамлан ордог байсан цаг өнгөрч өдгөө наадмын маргаашнаас найр наадам эхэлж найзгайрал хавтгайрдаг болсон гэхэд хилсдvvлэг болохгvй.
Учир нь улсын наадмын маргаашнаас залгаад л энэ тэндхийн жалга довын, нутаг орны найр наадам ундарч жиб хөлгөлсөн томчууд пад хар болтолоо наадам наргианд умбан хэсдэг моод дэлгэрээд удаж байгаа.
Энэ л vед манай эрхэм дээдэс, төрийн албаны албан тушаалтнууд амралтаа авч наадмын зугаалганд морддог.
Ерөнхийлөгч наадмын хаалтан дээр наадамчин олондоо хандаж хэлсэн vгэндээ наадмын маргааш намар гэдэг vгийг онцлон хэлж наадмын маргаашнаас дор бvрнээ ажил албандаа шамдан орохыг сануулж байсан. Гэвч хөөрч догдолсон олон тvvнийг нь нэг их анхаарч сонсоогvй биз.
Ингээд л сурсан юмыг сураар боож чадахгvй гэдэгчлэн энд тэндгvй томоохон наадам цэнгэлийн сураг зар дуулдасаар л байна.
Ганц нэг жишээ дурдахад удахгvй *Хотгойдын хурд* гэж нэгэн томоохон наадам болох юм байх.
Мөн Говьсvмбэр аймагт энэ сарын 21, 22-нд "Төвийн бvсийн хурдан морины уралдаан боржигин-2007" наадам болно гэнэ.
Энэхvv Монгол тvмнээ дотор нь овог аймаг, яс vндэсээр нь ялгаврлан гадуурхсан шинжтэй нэр бvхий наадам Засгийн газрын тогтоолын дагуу хийгдэж байгаа бөгөөд наадамд төвийн бvсийн аймгуудын шандаст хурдан хvлгvvд, улс аймгийн алдар цолтой хvчит бөхчvvд уригдаад байгаа гэсэн.
За тэгээд том жижиг хурдан морины уралдаан, найр наадам хөдөө талаар нэг дэнж хотойлгон эхэлж байна даа.
Тэгэхээр “Манлай уяач” УИХ-ын гишvvн Ч.Улаан, “Манлай уяач”ЗТАЖ-ын сайд Ц.Цэнгэл, дархан аварга УИХ-ын гишvvн Б.Бат-Эрдэнэ тэргvvтэй манай наадмын алдартан хорхойтон улаан фен болоод наадам хэсэгчид өвөл болтол завгvй байх нь бололтой.
Наадмын маргааш наадам гэж!
|